هالجمله ما اعتقد في وسطي ما يعرفها ، وما اعتقد في وسطي ما شالها من قبل سواء بعد ندوات الوسط او الانتخابات او المهرجانات الخطابيه في كليات جامعه الكويت .
بس يبقى السؤال ربعنا يوم شالوا هالشيله وصارخوا فيها سو شي
الاجابه عند اي عامل في اي قائمه من صوت الكويت لي الائتلافيه واهيا بكل تأكيد
لا
تدرون ليش
اهلنا قبل يقولون ايد وحده ما تصفق وبالمدرسه عطونا قصة الريال اللي قبل لا يموت بقى يعلم اعياله درس فجمع له مجموعه من العصي وقالهم كسروها وما قدروا يكسرونها الا يوم كل واحد كسر وحده بروحها وتوزعت بينها.
اللحين بيقولي واحد هذا شكو بالوسط
اشلون شكو هذا اساس من الاسس
من هـالي فات لازم نفهم ان التعاون شي مطلوب عن الوسطين وهالشي مفقود
بس يبقى هذا مو اساس الموضوع
انا اليوم قعدت مع واحد من هالاخونجيه وسألته وانا عندي خبر انه عنده خلافات مع قائمته حاولت يسار يمين فوق تحت ابي اعرف منه شي عن هالموضوع ما رضا انه يتكلم.
ترا ياجماعه الائتلافيه مو احسن منا ترا فيهم خلافات وايد وبلاوي بالقائمه
بس ما تطلع علنيه وما تصير بشكل رئيسي ما نشوفها على طول وان كنا سمعنا عنها فمره بالاشهر والسنين يمكن
لكن الوسط من تصير فيه مشكله صغيره الخبر وصل للاخونجي قبل الوسطي
احنا قلبنا مو على بعض
خلافاتنا لازم اتم بينا وما تطلع بره
جمعياتنا ، اجتماعاتنا ، قعداتنا
لازم ما يطلع منها شي
بس هذا ما قعد نشوفه
والله يستر على القائمه
المشاركات
هناك تعليق واحد:
والله ياخوك من دشيت الوسط والمشاكل فيها قروبات علشان فلان ماياخذ منصب وكل واحد يتناجر على المنصب الي يبيه ... ملينا والله ، وفوق هذا الاتهامات الي مالها اول ولا تالي ، والمشكلة لي قلت الصراحة والصج يقولون لك انت مو وسطي ولاتحب الوسط وداش علشان منصب :p
صج الائتلافية اذا صارت فيها مشاكل محد يدري بينهم وبين بعضهم ، قلبهم على بعض ماشاء الله :)
الله يرد الوسط مثل ماكان اول واحسن يارب :)
شكرا لك اخوي على المدونة الوسطية الروعة :)
إرسال تعليق