وزير الصحه هلال الساير
شخص محسوب بفكره على التيار الليبرالي واتوقع اذا مو غلطان هذا هو سبب محاربته وتصاريح النواب الرائعه عليه
الكل يذكر حادثة المنقبات في كلية الطب
وهذا سبب ثاني لتصفية الحساب مع د.هلال الساير
وباء ( H1N1 ) المعروف باسم انفلونزا الخنازير وباء عالمي ضرب العالم كله والاخوان يبون يحملون د.هلال هالمصيبه العالميه بروحه كأنه سبب هالمرض بالعالم وبالكويت بالتحديد
اتوقع كانوا يبون الدكتور يوقف بالمطار و اي عايله مسافره يمنعها من الخروج من البلد؟
ولا يبون الدكتور يمر كل بيت وكل واحد راجع من السفر يمسكه ويتله من شعره ويقطه النظاره !!
مشكلة هالنواب وهالناس يبون يصفون حساباتهم مع اي واحد يخالفهم الفكر
اتمنى نريح فكر الوزير ومو كل شوي نخوفه بالاستجواب
الرجل ما سعى ورا المنصب
والدليل ان المنصب عرض عليه كذا مره ورفض
خلوا الوزير يفكر يحل هالمصيبه اللي دمرت ( الشعب )
كل يوم زيادة بعدد الحالات و الوفيات
ياخي كلكم 2 + 1 وتبون تسون تأزيم بعد
المشاركات
ليست هناك تعليقات:
إرسال تعليق